मी शनिवारी रात्री स्विमींग केल्यावर बरेचदा युफोरिक म्हणता येईलशा आनंदी अवस्थेत असतो.
त्याचं सविस्तर कारण सवडीने लिहीनच.
पण ह्या शनिवारी तसंच उत्साहात ८: ३० ला पूल बाहेर पडता पडता बुक माय शो चेक केलं.
९ चा हब मॉलला "जारण"चा शो दाखवत होता.
अगदीच कट टू कट होतं पण सॉर्ट ऑफ उन्मादातच बुक केलं आणि रिक्षा शोधू लागलो.
नशीबाने एका भैय्याजीने जोगेश्वरीच्या ट्रॅफिकमध्ये सुद्धा सेक्सी रिक्षा चालवून डॉट ९ ला मॉलच्या दारात टच केलं.
त्याचे आभार!
धाकधूक करत स्क्रीनला पोचेपर्यंत ९:५ झाले पण सुरुवात बहुतेक चुकली नाही.
सो थँक गॉड आणि सॉरी भारतमाता (जन गण चुकवल्याबद्दल)
फार फार फार मजा आली.
हृषीकेशच्या लिखाणाचा फॅन मी आहेच आता डायरेक्शनचा सुद्धा झालो.
खास करून त्याची बरीच दृश्यं तुम्हाला कथेला पुढे नेणाऱ्या सच्च्या-फसव्या हिंट देऊ पहातात ते मस्तच.
कसं ते तुम्हाला पाहूनच कळेल.
सगळ्यांची ऍक्टिंग सुद्धा टॉप क्लास.
अमृता लाजवाब. आमचा पिनकोड बहुतेक सेम आहे सो मी उगीचच कॉलर एक्स्ट्रा टाईट करून घेतली.
अनिता दाते तुंबाडमध्येच आवडलेली इथेही छोट्या पण क्रिटिकल रोलमध्ये तूफान
बाय द वे सेमी अवांतर तिच्या गेटअपला चंद्रमोहन कुलकर्णींचं हे चित्र रेफरन्स म्हणून वापरलं असावं असं मला आपलं वाटत राहिलं.
फार आवडतं चित्रं आहे हे माझं.
चित्रपटातले आपल्या सगळ्यांच्याच आवडत्या धारपांचे आणि त्याहूनही लाडक्या व्यकीचे (विंक विंक) आणि तिच्या काही ऍक्शन्सचे रेफरन्सेसही चपखल.
इंटरव्हलसुद्धा गणेश मतकरीने म्हटल्याप्रमाणे नॅरेटिव्हची गरजच असल्यासारखं अचूक वेळी येतं.
सो समोसे खायला गिल्टी नाही वाटलं,
तो एक्स्ट्रा n मात्र मला काही झेपला नाही.
पण असतील काही गणितं.
मी आपलं मनात जारण्णचं "जारण" केलं आणि मगच पिक्चरची मजा घेतली.
तुम्हीही जरूर घ्या.
No comments:
Post a Comment