एपिफनी

ती आली आणि म्हणाली ,

"तू काहीच कामाचा नाहीस , संस्कृत 'कामाचा' सुद्धा 

इतकी वर्ष झाली मुंबईत एक घर घेऊ शकला नाहीस ...

डान्स सुद्धा चुकीचा करतोस आणि गीझर बंद करत नाहीस!!!"

खूप वाईट वाटलं त्याला ते ऐकून,

तीन दिवस तो भेलकांडत राहिला, 

दादर platform नं. ३ वरील दारुड्यासारखा,

आणि एका लख्ख सकाळी त्याला कळलं:

"कामाचा" असला-नसला तरी तो एक नम्बरचा किसर होता,

घर पुण्यातही घेऊ शकतो,

आणि डान्स आला नाही तरी धमाल करता येतेच म्युझिकवर 

..........

गीझर मात्र आता तो आठवणीने बंद करतो , लाईट गेले असले तरीसुद्धा!!!

-नील आर्ते