टीब्सची आंबट-तिखट चवीची आमचूर वाली चिकन फ्रॅन्की, पार्काच्या कट्ट्यावरचा मारुती व्हॅनमधला मलई गोळेवाला!
प्रकाशची मिसळ आणि आस्वादची गोड कचोरी.
भागीरथी मॅन्शनमधला मंदारकडचा गणपती आणि विसर्जनाला केलेला सुसाट डान्स.
कॅडलरोड वरच्या सण्ण-सण्ण जाणाऱ्या कार्स.
इकडे एकदा मुन्गळ्याने कडकडून चावून माझं रक्त काढलं होतं.
समर्थ व्यायाम मंदिर आणि त्यांची रॉक क्लाइम्बिन्गची वॉल.
उद्यान गणेश आणि बंगाल्यांची मोट्ठे डोळेवाली देखणी देवी.
टॉपचा डायविंग बोर्ड, उजवीकडचा सोन-वर्खी समुद्र....पोटातला गोळा आणि सगळ्या शंका १.५ सेकंदात पार करणारी टरकॉइझ पाण्यातली उडी!
शॉवरमधली भसाड्या आवाजात गायलेली गाणी, अस्लम भाईच्या कॅन्टीनमधला आम्लेट पाव,वडा उसळ आणि कैरीचं झाड.
गेटबाहेरचा मोठ्ठ्या मिश्यावाला दाणे विकणारा चाचा.
स्लॅशसमोरचा ८७ चा बस-स्टॉप.
मी नेहमी स्लॅशकडचे ट्रेंडी कपडे हौसेनी बघत बसायचो पण आत जायची डेअरिंग व्हायची नाही.
स्काउट हॉल मधलं पुस्तक प्रदर्शन, आणि बरिस्तासमोरचा बाईकवाल्यांचा शो ऑफ!
मैदानावरची नेट प्रक्टिस आणि चिखलातला फुटबॉल.
संध्याकाळी कट्टयावर लगडलेले विविध ग्रुप्स आणि फसफसता उत्साह.
वॉक करणाऱ्या चाबूक मुली आणि मुलांच्या टेबल फॅन सारख्या फिरणाऱ्या माना!!!
एस. पी. जी. मध्ये टेनिस खेळणाऱ्या एका फटका मुलीवर माझ्या मित्राचा मेजर क्रश होता.
तिचं नाव आम्ही स्टेफी ठेवलं होतं आणि रोज संध्याकाळी ५ वाजता तिला फक्त जिमखान्याच्या आत जाताना बघायला आम्ही खास बांद्रयावरून जात असू :)
सगळं आठवलं की वाटते तेव्हा आपण तरुण आणि वाय. झेड. होतो
आणि आता .....फक्त वाय. झेड. !!!
(लवकरच बॅन्ड्रा वेस्ट )
Oven fresh was pretty new when I used to be in Shivaji Park...But yes Nebula and Gypsy are like two unforgettable twins...at least for the shade and crowd in that area....
ReplyDeleteअरे वायझेड माणसा...
ReplyDeleteबान्द्रा वेस्ट कधी!?
आल्हाद बान्द्रा वेस्ट रेडी ! चेक कर :)
ReplyDelete